Идомаи мусобиқоти байналмилалии Қуръони Малик Абдулазиз дар Маккаи Мукаррама + акс ва филм
Ба гузориши хабаргузории Арабистони Саудӣ, севумин рӯз аз марҳалаи ниҳоии чиҳилу чаҳорумин мусобиқоти байналмилалии ҳифз, қироат ва тафсири Қуръони Карими Малик Абдулазиз бо ҳузури 24 мутасобиқ дар панҷ бахши мухталифи ин мусобиқот тадовум ёфт.
Ширкаткунандагон дар панҷ бахши мухталифи ин мусобиқот дар ду навбати субҳ ва баъд аз зӯҳр дар Масҷиулҳаром ҳузур ёфтанд ва токунун мутасобиқоне аз 58 кишвари мухталиф дар ҳузури ҳайати доварон ба рақобат пардохтаанд.
Дар рӯзи севуми ин мусобиқот, мутасобиқон ба намояндагӣ аз кишварҳои Чад, Нигерия, Индонезия, Ироқ, Онгуло, Камерун, Утриш, Тунис, Македония, Кӯзуву, Хорватия, Молӣ, Миср, Сербистон, Того, Фаластин, Либия, Сомалӣ, Африқои Ҷанубӣ, Нидерланд ва Алҷазоир ба рақобат пардохтанд.
Бинобар эъломи масъулон, ширкаткунандагон дар ин мусобиқот аз кишварҳои мухталифи ҷаҳон дар панҷ ришта аз ҷумла ҳифзи кулли Қуръон бо савт ва лаҳн бо истифода аз ҳафт қироати мутавотир аз тариқи Шотбия; Ҳифзи кулли Қуръон бо лаҳн, таҷвид ва тафсири вожагони Қуръон; Ҳифзи кулли Қуръон бо савт ва лаҳн; Ҳифзи понздаҳ ҷузъи мутаволии Қуръон бо савт ва лаҳн ва ҳифзи панҷ ҷузъи мутаволӣ бо савт ва лаҳн ба рақобат мепардозанд. Ин мусобиқот бо ҳадафи ташвиқи насли ҷадиди мусулмонон ба тиловати Қуръони Карим ба манзури ҳифз, тадаббур ва амал ба оёт ва омӯзаҳои он ва ҳамчунин барангехтани рӯҳияи рақобати шарофатмандона дар байни ҳофизони китоби Худо дар кишварҳои ҷаҳон ва эҷоди иртибот миёни ҷавонон ва Қуръони Карим баргузор мешавад.
Чиҳилучаҳормин давраи мусобиқоти байналмилалии ҳифз, тиловат ва тафсири Қуръони Карими кишвари Арабистон аз авохири ҳафтаи гузашта дар ҷавори Масҷидулҳаром оғоз шуда ва то авохири ин моҳ идома дорад.
Муҳаммадмаҳди Ризоӣ, намояндаи кишвари Эрон дар риштаи ҳифзи 15 ҷузъи Қуръон дар марҳалаи муқаддамотии ин мусобиқот рӯзи гузашта ҳузур ёфт ва ба чаҳор пурсиши нимсаҳфаӣ посух дод. Саволоти ин намояндаи кишвари Эрон аз сураҳои муборакаи Оли Имрон, Аъроф, Юсуф ва Асроъ буд.
Муҳаммадҳусайни Беҳзодфар, намояндаи дигаи Эрон дар риштаи ҳифзи кулли Қуръони Карим бо ишора ба инки ба ҳар панҷ саволи ҳайати доварон ба хубӣ посух дода шуд, дар мавриди гурӯҳи доварӣ гуфт: шоҳиди ҳузури довароне аз кишварҳои Покистон, Молӣ, Урдун ва ду довар аз Арабистон ҳастем.
Беҳзодфар гуфт: Мусобиқот то ҷумъа идома дорад ва баъд аз он шанбе ширкаткунандагон озими Мадина мешаванд ва се рӯз дар ин шаҳр ҳузур доранд. Дар идома ва бар асоси барномае, ки эълом шудааст чаҳоршанбе маросими ихтитомия баргузор хоҳад шуд.
